مِن حقّك تزعل !!
مريض .. ومش عارف طبيعة مرضك ، ومش عايز تفكّر فيه !!
مريض .. ومتعايش مع مرضك ، وماشي بمنطق احييني النهارده .. وموّتني بُكرا !!
من حقك تزعل ..
من مجموعة التمريض اللي خلعت هدومك (وبقيت عريان ) وبتحضّرك لشيء ممكن يكون مجهول بالنسبالك - أو - شاكك في نجاحُه !!
من حقك تزعل ..
من طبيب التخدير اللي اعطاك .. بنج موضعي ، وها تحسّ بالألم في مراحل العملية ، لأنّه رافض تغييبك .. عن الوعي
من حقك تزعل ..
من الجرّاح لأنّه صارحك قبل العملية بخطورتها .. لكن من غيرها ممكن تموت .. وقال لك : ان نجاح العملية أساسها .. تعمل اللي ها يقولّك عليه .. وثقتك فيه .. وتفويضك ليه .. وسيب الباقي على الله - ثم - عليه !!
من حقك تزعل ..
من شكل المستشفىَ اللي انت فيه ، لأن فيه نواقص كتير ، من خدمات وإمكانيات ، لو كانت موجوده ( مُسبقاً ) كان ممكن العملية تكون أسهل وأسرع !!
من حقك تزعل ..
من أخصّائي العلاج الطبيعي ( بعد العملية ) لأنه رجوعك ( لأدميّتك ) ها ياخُد وقت وهايكون صعب ، وها يعتمد علىَ قوّة صبرك وتحمّلك !!
من حقك تزعل ..
من الصيدلي اللي اعطاك دواء بسعر غالي عليك !! وهو مُضطرّ ، ولا يقصد تعجيزك !!
انت محسوب على كل دول - إنسان - من حقه يعيش
انت مُضطرّ لكل دول - عشان ترجع زي ما كُنت .. وأحسن
بس نجاح العملية .. مش بس بنجاح كل دول .. معاك
نجاح العملية محتاج :
صبر / إرادة / بصيرة / يقين بالنجاح
يا ترى فهمت
يا .. مصري
------------
توقيع : ناصح أمين
شريف رستم
