• الثلاثاء, 22 سبتمبر 2020
الاثنين 07 أكتوبر 2019 07:32 ص مركز الراصد المصري للإعلام

.

(بتغني لمين يا حمام ؟)

بتغني لمين ولمين ولمين

بتغني لمين يا حماااام

بتغني لمين؟

بيغني للشط التاني

من ( الكَنَال ) صوت رباني

يا بورسعيدي عود من تاني

لسة العزيمة عليها كلام

يا سلام يا سلاااااااااااااااااام

بتغني لمين ولمين ولمين

بتغني لمين يا حماااام

بتغني لمين؟

والقنطرة دموعها قالت لي

بسم الله يا للي إنت باعتلي

قلتلها صايم بعتت لي

من قلب سينا جوزين حمام

يا سلام يا سلاااااااااااااااااام

بتغني لمين ولمين ولمين

بتغني لمين يا حماااام

بتغني لمين؟

قول للسويس يا غريب طُلي

وعلى الشهيد سمي وصلي

ياحورية في التوب التُّولي

جايلك عريس علشانا ما نام

يا سلام يا سلااااااااااام

بتغني لمين ولمين ولمين

بتغني لمين يا حماااام

بتغني لمين؟

----------------------

شاعر العامية المصرية :  محمد عبد الرحمن حجازي

من نصي المسرحي ( حكاية علبة الأحلام )

المتانيا - ١٩٩٨ م


اترك تعليقك

Top